எய்ட்சை கட்டுப்படுத்த அழகு நிலையங்களில் கண்காணிப்பு

கிராமங்களில் விழிப்புணர்வு

இந்த தேசிய பயிலரங்கில் மேற்கொள்ளப்பட்ட மற்றொரு முக்கிய முடிவு எய்ட்ஸ் நோய் பற்றிய விழிப்புணர்வை நகர்ப்புறங்களில் மட்டுமல்லாமல், கிராமப்புறங்களிலும் விரிவுப்படுத்துவது என்பது. ஏனெனில் இந்தியாவில் நகர்ப்புறங்கள் தற்போது தொடர்ச்சியான எய்ட்ஸ் விழிப்புணர்வு பிரச்சாரத்தின் கீழ் இருந்து கொண்டிருக்கின்றன. ஆனால், நாட்டின் கிராமங்களில் இந்த விழிப்புணர்வு தேவையான அளவு பரவாவதது, நாட்டின் சுகாதார நிபுணர்களிடையே பெரும் கவலையை ஏற்படுத்தியுள்ளது. எனவே நிலையை சமாளிக்கவும், இந்தியாவின் கிராமப்புறங்களிலும் பெருகிவரும் எய்ட்ஸ் நோய் குறித்த விழிப்புணர்ச்சியை, எளிய வழிமுறைகளின் மூலம் கிராமப்புற மக்களிடையே பரப்புவது என்றும் முடிவு செய்யப்பட்டுள்ளது. மேலும் தனிப்பட்ட முறையில் எய்ட்ஸ் நோய்க்கு ஆளாகக்கூடியவர்களிடம் கவனம் செலுத்துவதும் , அவர்களிடம் பிரச்சாரத்தை மேற்கொள்ளுவது அவசியமாகும் என்றும் முடிவு செய்யப்பட்டுள்ளது.

தொண்டு நிறுவனங்களில் பங்கு

இந்த பயிலரங்கில் தெரிவிக்கப்பட்ட மற்றொரு முக்கிய அம்சம் எய்ட்ஸ் நோயை ஒரு தேசிய சுகாதார பிரச்சினையாக மட்டும் கருதாமல், அதனை நாட்டின் வளர்ச்சிக்கு குந்தகம் ஏற்படுத்தும் ஒரு பிரச்சனையாக கருதவேண்டும் என்பது தான். எய்ட்சை கட்டுப்படுத்தும் பணியில் ஈடுபட்டுள்ள நாடு முழு வதிலும் உள்ள பல்வேறு தொண்டு நிறுவனங்களுக்கு போதிய உதவிகளை மத்திய, மாநில அரசுகள் அளிக்கவேண்டும் என்றும் முடிவு செய்யப்பட்டுள்ளது . இதுவரை தொண்டு நிறுவனங்களிடம் அரசு காட்டி வரும் அணுகுமுறை மனநிறைவு தருவதாக இல்லையென்று பயிலரங்கில் தெரிவிக்கப்பட்டுள்ளது. பல மாநில அரசுகள் தொண்டு நிறுவனங்களுக்கு தேவைப்படும் நிதியுதவியை அளிப்பதில் மேற்கொள்ளும் காலதாமதம் எய்ட்ஸ் விழிப்புணர்வு பணிகளை பாதிப்பதாக கூறப்பட்டது. மொத்தத்தில் சொல்லுவதென்றால் இந்தியாவில் அபாயகரமான அளவில் பரவிவரும் எய்ட்ஸ் நோயை கட்டுப்படுத்துவதில் புதிய அணுகுமுறைகளை இந்த பயிலரங்கு விவாதித்தது என்று கூறலாம். ஆனால் எடுக்கப்பட்ட முடிவுகள் நாடு இந்த சவாலை சந்திப்பதற்கு உதவி புரியுமா என்பதை வரயிருக்கும் மாதங்கள் தெளிவுபடுத்தியுள்ளது.

Top